Woodstock 的回憶

200810181714

去完Rainforest Station 之後我地就去返個裝修中既機場飛Brisbane去黃金海岸了!!

飛機上既呢個餅都幾好味架..

到咗Brisbane 之後我地仲要坐個半鐘頭車先要黃金海岸..去到都差唔多九點半...沿途見到馬路旁邊整緊好多看台...領隊話因為十月尾有格蘭披治賽車..所以而家就整緊...d酒店房己經滿哂..心諗好彩唔係十月先去澳洲啫..

到咗酒店...原本領隊話先上房擺低行李再出去食飯...但唔知係咪因為有d團友肚餓所以想行李擺lobby食完飯再上房...咁領隊唯有照做啦..點知..一出酒店門口..就橫風橫雨..跟著有d團友又唔肯出去..又話寧願唔食...唉...攪到領隊發火...唯有照行囉...其實只係兩個街口..但係最賤既係..當我地一行人到酒家門口..竟又停雨..唉...跟著又有團友話早知聽領隊講先擺行李再出去食飯就唔駛淋雨..唉..咁多早知咩..

呢間係香港人開既..原本以為佢只係用麗晶個名..點知原來佢真係係麗晶酒店商場入面架...勁!

入面有好多唔同既海鮮..同有好多香港名人到訪既相..好多..只係記得有李克勤..因為我鍾意佢丫嘛..哈哈..

呢隻係酒家請領隊食既..點解..因為要做辦丫嘛...如果唔係我地點會落單明晚食呢..

而我地食既就係炒茄菲蟹..真係幾好味架..d蠔都好好味..

好耐無見過人地用呢種筒..仲要愛嚟裝飯..

呢間係全程我最唔滿意既一間...因為太細...太殘..電視又壞.(好在後尾整返), 仲要有好大陣煙味..問d hosekeeping 有無空氣清新劑..竟然會答個客無架囉..唉...poor..