Woodstock 的回憶

200810181614

三點幾起身...對於我嚟講一d都唔難..因為我近排成日都要咁早起...包括果陣接美國家姐機啦..呢次去澳洲啦...同埋剛去完既台灣都係咁早起...

四點幾係酒店lobby 等車...我地都好奇怪點解呢個超懶既領隊會出現...後來諗諗..梗係啦..我地都唔知係上邊架車..同埋佢有佣架嘛..

原來架車係會係唔同既酒店接唔同既客人上車..因為大寶礁以前係日本人幫手保育既關係..所以無論係船上或者係呢d Trip好多人都識講日文..我地仲見到好多日本旅客添..有d好似係學生呢架咋..真係有錢錢...等咗幾架講日文既車之後..終於搵到我地架講英文既車..個司機識講國語..一上車就問我地識唔識英文..之後就係車上播安全守則dvd比我地睇...

終於嚟到場地...見到工作人員己經起緊個熱氣球..

呢間車係扣住個熱氣球..而架緊燃料既呢位人兄...好靚仔架..因為無嘢做嘛..所以咪影下佢囉..

天色都未光..只係比d火照光咗咋...熱氣球總共有四個火口架..

呢個就係相機...隔離呢張就係個籃入面既扶手.

起飛啦!!!!今次熱氣球之旅真係好特別呀...因為其中有一對和我地同一個籃既外藉情侶當場求婚成功..真係好似拍戲咁..個男仔在起飛後..突然攞隻介指就要真係跪係度求婚架...個好仔就緊係超感動啦...仲話無諗過會唔答應添...哈哈..真係恭喜佢地呀...

係熱氣球降落之後..我地趁第二批人上緊籃既時候就同熱氣球再影多幾張先..哈哈..但因為降落既地方係d荒地..所以果度d樹枝括花咗我隻腳...

玩完之後..我地就去食酋長早餐...特式就係呢杯香檳...

早餐都算係好多嘢食...攪笑既係其中一個工作人員超high地拿住一壺剛煮好既咖啡出嚟問人地要唔要..但因為各人都飲緊香檳無人理佢..佢就即刻好disappoint..仲係度話唔明點解d人可以無咖啡都生存到..哈哈...

呢個女仔係我係呢次熱氣球旅程認識的...佢係日本學生...讀開藥劑..無端端又話走咗嚟研究樹熊...嚟咗幾個月..跟著又話識咗個師兄又係好鍾意周圍去...所以佢都諗緊會唔會周遊列國喎...我真係羨慕佢 --> 咁有錢...

呢度既廁所好特別架...無沖廁..但係一d都臭...

不准吸煙既標志我就見得多...准吸煙既我都係第一次見咋!