Woodstock 的回憶

200810181547

去完大寶礁之後..果晚我地就去食Stonegrill...因為係酒店行去間餐廳都要成十五分鐘架..所以我地沿途就睇定有咩想行..諗住食完飯就行街街!

當晚我地就係去呢間"The Hotel Cairns" 入面既餐廳食飯...果陣己經差唔多八點..沿路入去好似dmotel..咁...

去到間餐廳既時候好多人架..而且環境都唔錯..

去到既時候見到果三個醬都幾攪笑..一個係似泰色雞醬..一個係麻醬..一個似醬油..都似d正常西式既醬料..

等咗好耐終於上湯啦...味道ok ...但因為大家都趕住行街..所以都想佢上菜快d..可惜佢地又偏偏即到即煮..所以真係要丟幾耐..

個沙律上面果d係d超微型既芽菜呢架..平時都無咩留意到佢既存在添..好得意..哈哈..

主菜終於出現啦...我從來都未食過stonegill 架..所以好興奮呀...

本人覺得應該係慢慢切一片煎熟再食...咁食到最後一嚿都係由生變熟..咁就唔會overcook..但係我見其他團友係一開始就切開一嚿嚿跟著好似鐵板咁煎熟哂所以先食..咁食到最後果嚿咁好un囉..唉...

個甜品都唔錯..係雪葩...不過個啡色脆皮就好甜..好似係焦糖整..我實在係食唔到..

食完飯之後我同家姐就即刻起行行街...

呢個夜市都幾多嘢睇架...我仲係度買咗件衫..

估唔到呢度係全個旅程最多嘢買又最平既地方..如果我地唔係比領隊昆話黃金海岸最多最平..我估我地係會更放去買囉..

因為之前果晚太夜了..所以未有機會詳影酒店房..但呢晚都唔係好好多..十一點幾返到酒店...三點幾就要起身了...全團只有我地兩個係咁..點解..因為只有我地兩個明天四點幾要去玩熱氣球囉..哈哈!!