Woodstock 的回憶

200811091729

自從近來有好多年青人加盟我地公司之後..我就多咗好多活動...今個星期..真係經典囉...我從都未試過星期一至五有四日都係同同事飲酒!

嗱..我星期一就同幾個同事落咗去花生吧happy hour 啦..

跟著呢星期二呢..無端白事.. manager 將佢生日果支紅酒開咗..其實佢講咗好耐架啦..不過一直都無人真係走去攞杯同開瓶器開咗佢之嘛..果日我地好堅持..四條友不停係咁搵哂全公司既地方..終於搵到開瓶器..就將支酒開咗嚟飲...

當晚其中一員呢..就話樓下仲有一支..結果我地星期三又係公司開咗一支紅酒..今次五條友飲...新加入的那位同事話飲完落樓果陣飄飄地...我好懷疑佢今個星期五點同我地去劈酒囉..

跟著星期四休戰一天...星期五又同同事食完韓燒就去咗世紀酒店飲嘢..今次我叫咗我第二最愛black russian...正...原本當晚有同事去完飲宴後話繼續架..但我地一行人實在等佢地唔到..十一點幾己經四散了..哈哈..無計啦..一行八人中只有我同另一位同事係短週其他全部都要返工..佢地點敢chur 得咁勁丫..