200811091549
你地知道嗎...其實寫出遊記應該係開心既事...但最近我卻覺得係一件苦事..因為係懷緬我開心旅行既同時...我亦都係要捱無假放的日子...好辛苦呀!!!!!!! 要出年先有假...就因為我咁樣去咗兩次旅行...我今年生日都要返工...慘...
終於出發去最後一站..Melborne
當日因為七日團既團友要去International Airport..所以我地九天團既就跟車去到個油站到等領隊攪掂七日團..見到有飛機係天空寫字..真係好得意...
之後因為有d肚餓..所以就係機場買咗個triple chesse burger 食...好好味..但點知..上到機無耐又有三文治食...超飽..
呢間就係我地係Melborne住既酒店...位於火車站對面...係全程最細既一間.但就算係新同乾淨囉..
擺抵行李之後..我地就去咗後面街既Melborne 360都係上高塔睇景...
同埋食咗個high tea...果度d 咖啡我估係illy...超好飲..同我公司果d有得揮
之後我地就坐兩個幾鐘頭車入神仙島睇企鵝...我地首先去咗一個室內既地方..有紀念品店, 小食部, 影相部, 博物館..之後再出去戶外..沿路行去沙灘等神仙企鵝上岸...因為我無帶眼鏡..又落雨又凍...所以好難睇..好彩有家姐呢支盲公竹...佢指咗幾次我終於見到..真係好得意架..因為佢地唔同一般企鵝..佢地細隻好多..行路又好鬼得意...一群群咁上岸之後就幾隻幾隻咁返屋企..行行吓又等吓其他企鵝..好攪笑..但因為當地工作人員嚴禁影相..所以呢度就無相睇..
睇完企鵝..我地就去咗附近一間餐廳食所謂既龍蝦餐...老實講個view 係好靚因為落地大玻璃..一望出去就係崖邊同海...又有紅酒...又有龍蝦又有雪糕..但係..因為portion太少..所以我唔係咁夠飽囉..
返到去出咗附近行咗陣, 原本係想搵嘢食..但因為太夜..所以好多都關門..無咩嘢行..所以轉咗個彎就返酒店..
留言列表
