Woodstock 的回憶

因為過咗實在太耐太耐了...曾經諗過都係算啦唔好寫啦...但係諗諗吓都係記低佢啦..如果唔係第日可能會後悔...

話說...因為我從來都無上過d咩嘢雙魚星號呀獅子星號呀玩過所以上年十二月生日原本就想上船過...但係睇吓睇吓又想去遠d..諗諗吓又話新船有長者優惠..就係咁..最後我地就係聖誕個陣上新船天秤星號玩...

排隊攪上船同埋出境手續後..臨上船時就有d工作人員幫我地影相..

攞到張匙咭第一件事就緊係入房睇吓先啦!

我地間房呀..己經係海景套房..但係都好鬼細...同去埃及個隻遊船比...實在差太遠了..不過..佢好就好在收到電視..你知啦...我呢個電視精無咗電視..唉..個人就會空虛..哈哈..

呢張就係我張牀啦

廁所都唔錯呀!

無聊既我同家姐仲帶埋家中既公仔同我地一齊度過呢個假期添..哈哈 (見唔見到其中一隻公仔係有喼架...嘻嘻)

放低咗d行李同公仔之後我地就趕住去甲板...做咩..咪就係逃生演練囉, 所有乘客都要架...

攪掂之後...隻船都己經開lu..原來有隻細船帶住架!

我地緊係即刻上最高層睇吓"維港風光"啦!

之後就四圍參觀

船上得個幾層都會lift真係勁

跟著就搵嘢食..個名好似好high咁...其實就係船上唯一一間有自助餐食既餐廳...第一餐係自助餐...無咩好食...但係佢個朱古力蛋糕又唔錯..佢令我想起一個好鬼鍾意食朱力既同事

四樓船中有人彈鋼琴呀...又係聽完之後好想返屋企練琴個隻..

之後又周圍行下返房瞓咗陣..咁就開始食晚餐..又係去返下午個間餐廳因為佢今晚池畔BBQ晚餐...好特別咁..

呢d係用麵包砌出嚟架..

好多唔同既嘢食...但最好味都係呢個牛仔骨

d甜品..可能唔係用嚟食..係用嚟睇..你睇吓幾靚

不過食落又幾好味喎!

食完飯...我地就...聯宜下先 -- 打乒乓波...

之後就去睇船上安排既節目..個晚係介紹隻船同埋船上既工作人員...

之後...佢望窗我睇電視同瞓覺囉..哈哈