Woodstock 的回憶

其實上個星期返到嚟香港已經好想快d寫blog 記底今次既旅程..因為我既記憶係有限丫嘛..而且今次係我去咁多次旅行玩得最開心既一次..一來可能今次係我第一次同朋友去旅行...(之前都係同家人或者係同事去..) 二來韓國呢次旅行係我同朋友話咗好想去好耐既地方..而且已經plan 咗一年有多!! 所以去得成既時候係特別開心的!!!!!

大家緊係好鄙視咁話..吓...韓國咋喎..仲要唔係自由行..駛唔駛plan 一年...哈哈...

原因係三個朋友其中兩個都剛在上年轉咗工..咁自然就唔可以請假住架啦..再講..我總係覺得韓國要冬天去..滑下雪睇吓雪景先好玩..所以就要等冬天...更重要既一點..(可能只係對我嚟講)..就係我要儲錢嘛...唉...個個月入不敷支既我..要儲一筆錢去旅行真的不易架!!!!!

終於我地今次既韓國之旅係7 JAN 08最晚十點鐘係香港機場集合後出發了!!!!

因為今次係三個人一齊去..我選擇咗同人夾房...所以一去到機場就緊係睇吓同我夾房個女領隊靚唔靚女啦..哈哈..嘩...真的不錯耶...

跟著我地就懷著期待又興奮既心情踏上今次既韓國之旅了!!!