果日放工返到屋企食埋團年飯...我就出門口去機場...今次只帶了一個30吋大喼...外加一個大袋裝個大公仔比BB玩...同上次一樣...因為太大件行李...所以又係怡東打的去機鐡站...
去到機鐵站入閘後check-in...因為個喼限重23KG而我果個就30KG...櫃枱小姐話如果唔執就要比HK$1,100...我緊係執啦...又係果個位...執到身水身汗...再用個磅攪到個喼同大袋都差不多...寄完倉...我就搭機鐡走...超早就到機場了...
等咗小姐好耐...終於等到佢嚟..我地行咗一陣..
見到萬寧竟然有呢款百力滋賣...好攪笑...
因為半夜機...去到10點機己經好肚餓...但今次唔夠下次人多...嚟食個飯先...因為food court好多都差不多關門...好不容易買到個一哥豬扒飯...紅豆冰係送既...但我唔食...一家七口食個飯先...
原本今次係去泰國架...點知因為抗議示威...老爺太 一早話唔去...我同小姐原本話只要唔黑警都去...點知最後一星期都變咗黑警...小姐係變黑警果朝..我地幾個whatapps就決定咗去美國兼訂埋機票了...超快...就係咁...我地就由泰國變美國...由一行四人變二人...
今次安檢好似無上次咁嚴...但我都係被挑選做特別嚴果啲...無所位...除下鞋咁啫..
十幾個鐘頭後我地就嚟到美國...今次個喼只係scan過...連開喼check都無...問咗幾句啦..無SNAKE事件了...出到嚟..搵咗陣就見到二姑爺了...一家七口係美國機場留念...
去到美國9點幾...
比起上次多咗好多人...
塞咗陣車...我地就返到呢個民宿...哈哈...仲趕得切食今年第三餐團年飯...哈哈..
好似好豐盛咁...
煲齋...好似有啲變味...果碟鮑魚生菜...鮑魚質感唔似係我地食開果啲...超假...生菜...唔明點解可以皺哂皮兼無味...
呢煲南乳豬手...話炆咗幾日...唔太林...亦都無南乳味...
個湯外表好似好多料同好吸引...一飲落...都係無味...唔明...好似水咁...無味...
呢個超濃薑汁湯丸...叫ok..可惜我不太好甜...
食完餐"團年飯"嚟到主菜...人人以為我嚟係睇B...其實果個係小姐啫...我鍾意同Golden玩多啲..佢真係好乖..
自從阿B入個主人房...佢就變咗廳張了...仲好...我可以多啲時間同佢玩...嘻嘻...
留言列表
