Woodstock 的回憶

200812182333

上星期六同朋友出嚟吹開水...講開大家都想搬出嚟住...所以有諗過不如大家一齊搬出嚟啦..

其實經過今次裝修事件之後..我覺得如果真係想有自己既地方...可能真係只有搬出嚟自住...老實講我實在係無錢買樓...況且好多人都話其實租係抵過買樓既...咁我咪唯有租住先...

當呢個念頭一出..我呢個大口仔就緊係周圍問吓人而家出嚟租屋住係d咩行情啦...有人話我知..以我個budget..自己搬出嚟住都得...仲可以揀銅鑼灣,灣仔或北角添...攪到我又好似想一個人住咁..因為自己想點就點...叫咩人上嚟都得..唔執屋又唔駛死..又唔駛驚早上爭廁所用...

但係一個人住...d朋友就話驚皮費貴之餘..又可能會悶...其實呢兩樣我都唔驚..我最驚係咩...我最驚就係怕黑同埋第時租間屋係有鬼架囉..你知啦...一租要租一年先走得...有鬼..我都唔敢住啦...

跟著幾乎每一個朋友聽我講第一句就問我...乜你父母會比你出嚟住咩...我其實真係無諗過呢個問題...因為我覺得..乜有得唔比架咩...how??!!不過有一個朋友又好似講得幾啱既...父母年紀大了...身體又唔好..行動又唔方便...得返佢兩老住係咪唔係咁好..但係..我心諗..我同佢地一齊住...一d都似係佢個女..似係個阿四多d囉...又要比錢佢..又要比佢地ee 哦哦..得閒心情唔好又要比佢地發洩...間房又好似什物房咁...家姐d嘢唔搬又唔比扔但又要擺哂係我房..佢地兩老d什物呀...大褸呀..書呀..被呀..咩都係擺係找間房...出面有幾多位我都無資格擺...唉...今晚...今晚我先覺得自己可憐囉...我返到屋企...阿媽只係叫我食埋剩咗個d飯...但係餸呢..己經比佢地食哂囉...跟著只係淥咗個西蘭花比我餸飯...其實我覺得自己好慘好可憐...見有湯想飲啦..飲多幾啖..阿媽就叫我唔好飲住...驚我食唔哂d剩飯...我覺得自己真係似工人多過佢個女囉...