Woodstock 的回憶

200810122135

前半講到我地剛食完午飯, 就去咗漁市場食澳洲最出名既石蠔...因為媽媽講明去澳洲請我地食蠔同鮑魚..所以呢餐就佢請...

但係我都有比錢買fish & chip 架...出名喎...見到d龍蝦咁靚如果我早知成個trip 先得個半隻食既話..我一定會係呢度買一隻拆架!!!

就係佢...吱到我一身都係..唉...

超多海鮮呀!!!

跟著就去咗間舖頭你買咗d質地超差既樹熊同埋袋鼠...同埋呢排eclips...

澳洲d車好勁..好似我地間車咁..後面拖架車箱擺行李..呢個係我第一次見架咋

之後我地就可以去水族館同埋架空觀光車...因為我地得一個多鐘頭..所以我決定唔去水族館了...因為領隊話好似香港海洋公園 ...同埋要好多時間睇..仲要自費嘛..費時比錢得嚟又咁鬼趕啦!

因此我地就走去買代幣搭觀光車...

我地係Darling Park 上車..沿途都有好幾個站架...我就逐個站影...因為搭一次影唔哂..又只係可以睇一面風景所以我地總共搭咗三個round 呀...你地緊係以為我地好誇張..但係有一個當地人我地上車時己經見到佢坐咗係度..但要我地落車佢都仲係度喎...其間仲瞓著埋添..所以我地唔算係好誇架啦!

搭完觀光車之後我地就去機場..搭飛機去Cairns! 上機前因為無晚飯食..咁我地就去買咗個double cheese burger 食...

入到廁所見到呢個超得意既牙刷販賣機賣既牙刷就買番支..因為我無帶牙刷丫嘛..點知..原來佢一d都唔好刷..超硬..我唔敢刷...

飛機餐係食通粉...又幾好味喎!

當晚係住Hilton...lobby 係幾靚架..

間房係細d..但係佢用既竟然係Crabtree 呀!!! 中間那個圓餅係浴鹽呢架..勁!