Woodstock 的回憶

去完青瓦台之後...我地就去第一個shopping 景點 - 仁寺洞

條街d環璄幾得意...好新鮮...邊行邊影

行到一間賣什貨店既舖頭見到呢把射橡筋既手槍...我急不及待即買...跟著我d朋友又跟我地買...結果一人一把..哈哈 我地仲係戰爭紀念館show 過出嚟影相添..哈哈

跟著一路行..緊係一路食啦...尤其見到韓國一大特色小食-炒年糕...邊度忍到架...入面除咗年糕..仲有d魚蛋咁既物體...超好味...果個檔口除咗呢樣之外仲有好多架, 不過我地只係食咗呢樣啫...(不過食完就大鑊囉...唔係肚痛呀...而係行完成條街都搵唔到個垃圾桶..要我地攞住佢行..真係有d不便)

跟著又見到一當好似賣雞泡魚既...我地都唔知邊度係...跟著買咗呢隻睇試吓...

之後仲去咗一間有好多相好似係d名人幫襯既檔口..買咗一大包米通...但係我買到返屋企係一嚿都無食過...無人性...

仲有好多架...不能盡吃和盡影...哈哈..

之後我地去咗戰爭紀念館...影咗好多相...嘻嘻..

跟著我地就去咗梨泰園度行街...買咗一頂Evisu帽同埋呢個DAYCELL SLEEPING MASK...

徐咗影相之外我地仲買咗好多好得意既襪仔同埋腳趾襪返嚟添....以下係街景一覽..

跟著我地就到今天既重點節目...樂天世界...一入到去條走廊真係好靚...跟著見到<<天國的階梯>>果個旋轉木馬啦...同埋成日出現喺韓劇入面既溜冰場...跟著我地就走咗去玩果期最新既法老王車...(一d都唔刺激, 不過入場前個d埃及既裝飾...真係仲多仲靚過真係去埃及睇個d)

排隊期間...我地同攝影師和導遊吹開水..先知..原來攝影師同我地同年...跟著我地o哂嘴...我同朋友講...我初時覺得佢有d似李準基..但睇真d似阿叔...跟著朋友即刻話..可能佢都係咁睇我地..哈哈(即係初時睇似學生...睇耐d似阿姑呀..哈哈)

跟著我同導遊唱定錢...因為曾經有人話我知樂天世界有間snoopy 專門店架嘛...點知..行哂都唔見...我即刻同朋友講..果一刻...我好想返屋企...

好彩...係我情緒最低點既時候..有個激光煙光表演..跟著我又好開心咁係咁影...仲影到我個星座添...嘻嘻..跟著咩都唔記得lu..

呢個係好似迪士呢既coins collection...好得意架...

跟著返到酒店...間房真係國際級水準..好大...有企缸同浴缸...從房望出去個夜景仲....hahahaha

同領隊, 攝影師和導遊拆掂瞓覺既問題之後...我地同佢地出咗去消夜...