Woodstock 的回憶

終於嚟到呢個旅程既主菜啦..哈哈..我地之所以冬天去韓國無非都係想一嘗滑雪既滋味啫..所以呢個滑雪既行程真係好重要架..

去旅行之前我地一直都諗..其實都唔會點滑到..只不過係著起套衫影吓相就算架啦...最緊要就無無受傷就得..哈哈..

一去到滑雪場...就好辛苦咁換鞋..攞好重既撬同埋棍

跟著我地就開始係斜路學滑雪, 著上撬既我係度自拍..

我地初時學跌..有d團友好快就起到..但另外就有好多都起唔翻身..而我就係其中一個起唔到身既..

學完點樣係斜路企..我地就一個一個排隊上去滑落嚟...呢個時候就係攝影師最忙既時候..因為佢一來要幫滑落嚟既團友影相..另一方面又要睇住滑緊落去既..因為太斜速度太快...所以好多都抄咗落人地度或者係撻咗落地..

玩咗一陣...導遊就叫我地自己滑吓..跟著六點半可以去搭吊車...之後就失蹤咗..

我地好興奮咁影咗一陣相之後就將set 撬鎖咗係場, 跟著我地入咗室內食咗個八爪魚丸..嘻嘻我同朋友講d木魚好飛呀..飄過番港好多..佢地話緊係啦...呢度咁凍...我真諗唔通d木魚真係"凍到飛起"

個food court 好大架..仲有好多廣告..而且全部都係自行清潔呀..食完就放返係收集處..食水又係自斟自飲..好似外國咁..唔似得香港..度度都有人服侍!

好不容易終於等到六點半吊車重開..我地搭佢上山頂..沿途d風景真係好靚..只可觀而好難影呀..

上到山頂...我終於feel到呢個旅程最凍點...真係凍到係咁震又僵哂...又呼吸唔到..所以我地好快咁周圍望下..最辛苦就係除手套影相...隻手僵哂...跟著我頂唔順...唯有嘗試用帶手套影相..答案係..咁難架...所以都只係影咗幾張就放棄..

佢個度仲有個鐘同埋好似可以結婚行禮既地方..可能真係有人會係個度結婚..

好快..真係好快..我地就搭返吊車落去了, 沿途見到好多人滑落去..真係好羨慕

之後我地又係平地滑咗一個來回...(有d似溜冰..但係一d都唔滑既版本)..之後又去小斜坡挑戰...最後我為咗避一條坐係路中心既人..而自己坐低咗起唔返身...未幾..另一個朋友又跌咗..仲差d鏟咗落我度..朋友為咗救我地兩個..真係費盡氣力...當我地再起返身之後..己經四肢無力..所以決定放棄去食飯...

我地去咗一個叫centre mall 既地方搵食...呢間餐廰仲有中英文餐牌..勁..

泡菜當然係唔少得...原來真係有得添架..

朋友食泡菜餃子湯麵, 另一個就食魚子石頭鍋飯..

而我...就緊係試下韓國另一出名既料理 - 大醬湯...嘩..真係好好味...成碗飯食哂..

之後我地行十分鐘既路程返酒店...係樓下既便利店買咗d無聊嘢食..包括領隊推介蜜瓜雪條..

真係好好味...如果朋友想試..唔駛去韓國仲要搵得咁辛苦...去香港韓國街都有得賣..仲有香蕉味...都好好食架

食完雪條...我竟然係第一個人爬上牀瞓...但我可以話比大家知...那時既我..真係四肢無力...連轉身都不能...雙手好似斷咗咁...反而對腳雖然攰但無咁誇囉..可能我實在太依賴那雙雪棍了