Woodstock 的回憶

哈哈! 呢個blog 應該係我近來見過的朋友都在期待著的...

31 OCT 07...係Miele 10週年Anniversary Ball 既大日子...而呢個ball 係我繼哈囉喂之後又一個重要節目!!!

外人可能唔知...自從公司的同事知道有呢個ball之後..佢地就開始諗點樣減肥(我???!!當然又係話減又係度大魚大肉個隻啦..你睇我成個月都係燒烤月就知啦!!)同埋煩著咩晚裝(因為dress code 係black tie formal,唉..我都係其中煩惱的一個...) 買咗晚裝之後(成千幾蚊呀), 又要買鞋, 又要買手袋, 又要買披肩..仲要諗化裝, set頭, 襯咩頸鍊, 戒指, 耳環, 錶呀..仲要修眉, 電眼婕毛, 修甲等...

對公司呢講呢個係一個好重要既EVENT!!!主辨單位為咗要保持神秘感...事前真係無人知會有咩節目...我都係之前個星期五先知要做receptionist...都係一日前先知要做"歡樂小姐" (遞奬), 仲要綵排... 亦係一個小時前才知要遞埋花...不過都覺得榮幸既..起碼呢d機會唔係成日有..而且係一個公司咁重要的event 入面有份幫吓手都係好開心...嘻嘻起碼好過成晚齋坐咁悶丫...

嘩!!! 果然係大制作...MC 揾咗港姐楊洛婷...仲有蒙嘉慧行CATWALK(佢一D都唔專業...我見到佢綵排個樣..簡真想打佢兩巴), 同埋廖碧兒跳舞..(佢真係跳得好好, 全程都笑得好甜..very nice, 呢D咪專業囉!!!!)

因為之前要做嘢所以無時間...所以係ball尾升既時候..我捉咗好多同事影相呀!!!!!

詳程係:

http://www.facebook.com/album.php?aid=11218&id=752057571

因為影得我太肥了...所以只可以比你地睇呢一張..亦係唯一一張無雙下巴的...